香港恒發官方介紹

Maison

恒發家裝

+(852) 245 11117 | +(852) 66257425 鍾生

星期一至星期日: 10:00 a.m. – 06:00 p.m.

裝修基本流程大分析知多一點點

大家有冇諗過需要經過適當嘅裝修,先可以將一間空洞嘅單位成為心目中嘅「理想家居」呢?一頭家形成嘅過程當然並不簡單,其過程中需要經過唔同嘅工序,例如木工、水電、油漆等等。不過,關於每個工程嘅先後次序問題,大家又有幾清楚了解呢?而大家又要點樣妥善安排每個工序,令工程更順利完成呢?除了依賴監工及設計師外,其實大家亦可花點工夫,令日後重造或追加的嘅施工項目減少,節省金錢。

裝修流程大致可分為兩大部份,其一係裝修前嘅前期工作,而其二就係施工工程。如果大家於裝修前想得越詳細,整個工程就會進行得愈順利,另外亦建議大家搵一個願意聆聽你需要好師傅,除左可以將你心中所想實體化之外,又可給你專業意見,為你打造理想家居。

前期工作:
開始裝修前,先為你的新居進行構思,預先設計新居格局。大家可以對自己的新居進行一次詳細的測量,如裝修所涉及的面積和主要牆壁的尺吋。大家亦可自行利用簡單線條繪畫出平面圖,並以文字表達燈具、家具、插頭等位置。這樣可以令兩者加以配合,而且師傅亦可在前期給予適合的意見。

步驟一:拆前要想定,免得要重整
當進入施工階段,拆除工程就係整個工程嘅第一步,因為要將工地嘅框架搭起來,而其中主要工夫就包括拆牆、拆地板、拆傢俱等等。在拆除前要先計劃清楚,例如哪幾道牆要拆除、地板係咪需要重鋪、或是牆後喉管有冇需要更換等等。師傅仔我建議大家預先確定有冇拆除嘅需要,並先向師傅查詢有冇必要才進行拆除,以免拆錯左需要重整,浪費大家嘅時間及金錢。

步驟二:水管電線如何走,預先定位先足夠
完成拆除工程後,水電工師傅就會進場施工,所以大家就要預先絀電燈、家具、空調等位置設計好,好讓師傅為你安排冷熱水管同電線點樣走。大家可在新居利用粉筆,把所有設備大概位置標示出來,親身感受及測試,咁就可以減少修改機會。如有需要喺新砌嘅牆身鋪電線,就一定要同瓦工配合好先啦~

除此以外,如果大家想安裝光纖寬頻或者更換寬頻服務供應商,亦最好喺依個階段計畫好,再聯絡供應商派人嚟睇睇係咪需要安排鋪線入屋;否則於裝修工程完結後先發現問題的話,就可能被迫要明線入屋,大大影響室內觀感架啦!

在裝修嘅過程當中,所包含嘅工序繁多。裝修前需要清楚了解每一個步驟,先可以有效率地裝修你嘅「理想家居」。除了前期工作、清拆及水電三個步驟外,在施工工程中,重有很多步驟係需要注意架~

步驟三:泥水師傅最早到,先做泥水效率高

嚟到依個階段,泥水師傅就會上場開工。佢地會先處理好牆身瓦仔、地台及洗手間防水等等嘅工程。在泥水師傅進場前,需要確認好瓷磚等所需材料會於裝傳到場嘅同一日送到家中,否則就會拖慢工程進度,更會浪費 (師傅) 工錢。

步驟四:油漆前工夫做足,粉飾家居唔會哭

油漆工程嘅進行時序,主要在泥水工程之後。進行油漆工程時,切記要做好保護工作,以免為其他地方添上不必要嘅顏色。另外當油漆工程完成後,家具或潔具搬入屋企嘅時候,當中難免會踫撞到牆身,或會弄花牆身上的油漆,依個時候就可以請油漆師傅幫忙補一補漆,但記得要事先和師傅傾好相關事宜丫。而若然牆身係使用噴漆,補漆時亦會造成修補痕跡,咁就需要於搬運家具前保護好牆身啦~

步驟五:木工師傅進場,櫃子華麗出場

油漆工程完成之後,就係木工進場嘅時間。由於木工於較早日子已經根據你嘅要求訂造儲物櫃等家具,而基本上木工進場時,所訂造嘅櫃子已經完成,只係差裝嵌工作未完成。因此上述嘅「前期工作」一定要做好,預早確定櫃子嘅造型及所有收納功能,以便木工師傅搬運家具及進行裝嵌工作。

經過五個重要嘅裝修步驟後,基本上工程已經到左收尾嘅環節。只要完成餘下工序,你就可以搬進依個安樂窩啦。但大家切勿因此而掉以輕心,否則就會有機會爛尾收場,咁就會後悔莫及啦~

步驟六:裝修後先做清潔,家居面貌快展現

在油漆工程後,基本裝修已經完成,但並唔代表大家可以立即搬傢私入伙。其實裝修之後,施工現場會殘留很多垃圾,例如水泥、油漆及玻璃膠等等… 此外,櫃子內外、地面及牆身都會灰塵滿佈,又或者沾上唔同賣型嘅污漬,所以在裝修後第一件事做嘅,就係清潔乾淨上述提及到嘅地方。其實好多裝修師傅都會幫你安排好清潔工序,甚至會在報價單中列明。依一類嘅清潔工序,一般都係十分污髒亂雜嘅,如非必要,師傅仔我都係建議大家請裝修師傅代勞吧啦~

步驟七:交收檢查做到足,減少麻煩添幸福

當所有工序完成後,你便可以安排時間驗收。驗收單位嘅時候,切記要將每一個裝修過嘅位置都仔細望下。例如話,測試清楚每一個門櫃門鉸位係咪開合正常,以及檢查清楚牆身油漆或地腳線有冇瑕疵等等。另外你可以對每一個插座進行測試、每一個水喉開關多次,以及嘗試開關門窗,以確保一切正常。而驗收時亦可帶同便利貼,如現場有任何問題就可以在其之上標籤好,讓師傅了解出問題嘅地方及詳情,以方便佢地進行修葺。

步驟八:仔細清潔搬家去,新家舒服無憂慮

經過左裝修後嘅專業清潔後,基本上家居已經好整潔,但大家亦應該考慮有否需要進行滅蟲或其他消毒步驟。除了選擇自己進行清潔外,亦可以找清潔公司代勞。連清潔工夫都做足,大家就可以更安心舒適地入住。而最最最最後一步,就係安排一個好日子入伙啦~!

Post a Comment

6 − two =